Përplasjet në PS/ Ish-kreu i Hipotekës në Fier i përgjigjet Petro Koçit: Turp për ty!

Vijojnë përplasjet në Partinë Socialiste të Fierit. Ishte ish.zv/ministri i Mbrojtjes, Petro Koçi, i cili pak ditë më parë i bëri thirrje SPAK të shkojë në Fier dhe të hetojë tenderat, që sipas tij, përfitohen nga trafikantët e drogës.

Pas kësaj deklarate, reagon ish-kreu i Hipotekës në Fier, Ervin Bushi, i cili shkruan në “FB” se, “nuk është serioze për familjen politike shkrimi i statuseve të tilla prej tij në të cilat fyhen figura e baltosen personalitete duke vënë si kriter vlerësimi interesat personale dhe duke shkelur me të dy këmbët parimet mbi të cilat mbështetet forca jonë politike. Sa keq kështu kur Kryesia e Ps të sjell për të bërë punë të mira dhe ti smundesh të bësh asgjë”!

Më tej, teksa shprehet se nuk mund të lejojë që t’i njolloset puna dhe t’i hidhet poshtë mundi, gjatë viteve 2013-2021, kur ka drejtuar Kadastrën, Bushi i drejtohet Koçit: “Më vjen ndot kur thua se indikator për humbjen e mandateve apo rezultatin e arritur në zgjedhje ka qënë performanca e Ashk-së Fier! Turp për ty të mohosh rezultatet e punës kolosale të ish Drejtorisë së Aluiznit dhe Ashk-së aktuale Fier! Sa keq më vjen kur mohon totalisht të vërtetën kur thua që Ashk Fier ka pasur performancë të ulët! Ti zoteri i sjell në krye të partisë në Fier e di mirë që në 2013 Aluizni ka filluar punën vetëm me 800 dosje të legalizuara nga paraardhësit dhe tani meqë nuk e di po ta them se e kemi çuar ne 21.000 numrin e banesave të legalizuar”.

LEXO EDHE  Operacioni “qesharak”, ky është i riu i dyshuar që i ‘bëri zbor’ policisë në Tiranë (FOTO)