‘Klientët më trajtonin si kafshë’/ Historia e dhimbshme e Silvias që u trafikua në Britaninë e Madhe

Media britanike “The Sun”, ka rrëfyer historinë e trishtë të një vajze braziliane e cila është prostituuar në Britaninë e Madhe.

Kur Silvias nga Brazili iu ofrua një fluturim për në Britaninë e Madhe, përmes një ‘shoqeje’, ajo ishte e bindur se tashmë do të kishte një jetë më të mirë.

Në fakt ndodhi e kundërta.

Ajo ra pre e një rrjeti të trafikimit të qenieve njerëzore dhe e gjeti veten duke punuar 16 orë në ditë në një shtëpi publike, ku paguhej 20 paund për 15 minuta seks.

Media britanike shton më tej se ajo është përdhunuar nga një person me Sida.

LEXO EDHE  Infeksionet e reja në mesin e të vaksinuarve? Ja si shpjegohet ky “paradoks”

“Nëse jeni nga një vend i varfër, natyrisht që dëshironi një jetë më të mirë”, thotë ajo për The Sun.

“Kisha shumë klientë, dhjetë klientë në ditë, dhe ju lëndoheni pothuajse gjatë gjithë kohës. Ishte rraskapitëse. Kisha aq shumë klientë që më trajtonin si një kafshë, ndjehesha si një copë mishi”, ka shtuar ajo.

Pas shtatë viteve ferr, Sylvia u shpëtua nga trafikantët dhe tani është kthyer në Brazil, por vlerësohet se 135 000 vajza të tjera ushtrojnë prostitutcion në Britaninë e Madhe.