Reshje të mëdha dhe rëshqitje dheu, humbin jetën 30 persona

Të paktën 30 persona humbën jetën në tre periferi te Mumbait, në Indi, si pasojë e shembjes së shtëpive nga rrëshqitjet e tokës  të shkaktuara nga shiu i madh.

Ekipet e shpëtimit përdorën duart në përpjekje për të gjetur dhe shpëtuar të mbijetuarit, raportojnë mediet lokale. Ekipi i shpëtimit i bartën të plagosurit nëpër korsitë e ngushta në barela të improvizuar.

Në një lagje, dhjetëra kasolle të vendosura në bazën e një kodre u shembën njëra mbi tjetrën, shkruan Reuters.

Kryeministri Narendra Modi premtoi ndihma për të prekurit.

LEXO EDHE  Shpërthen bombola e gazit në një banesë në Durrës, plagosen dy persona

Disa zona në qytet u përmbytën pas reshjeve të mëdha të shiut gjatë 24 orëve të fundit dhe shërbimet e trenave periferikë u ndërprenë, duke dëmtuar kryeqytetin financiar të Indisë.

Mumbai dhe bregdeti i shtetit industrial Maharashtra të Indisë pritet të përballen reshje të mëdha shiu deri në katër ditët e ardhshme, sipas meteorologëve.

Shiu i rrëmbyeshëm, veçanërisht gjatë musonit korrik-shtator të Indisë, shpesh shkakton shembjen e ndërtesave, veçanërisht strukturave të vjetra ose të ndërtuara në mënyrë të paligjshme.