Pse po ikin mjekët?! Stroni: Arrestimet për spektakël dhe pagat të ulëta

Arrestimet pa prova për bujë dhe spektakël dhe pagat e ulëta janë dy nga arsyet kryesore pse mjekët e rinj po zgjedhin të braktisin vendin. Kreu i Sindikatës, Gent Stroni, kërkon edhe një herë që kolegët e tij të mos qëndrojnë pas hekurave për aq kohë sa nuk ka prova për akuzat ndaj tyre. Ai thotë se arrestimet kanë krijuar një situatë të pafavorshme për punën në spitale.

Një mjek nuk mund të trajtohet njësoj si një kriminel. Me këtë apel përfaqësues të Sindikatës së bluzave të bardha tërheqin vëmendjen për situatën e pafavorshme të krijuar për punën në spitale.

E gjithë klima që është krijuar po i detyron mjekët e rinj të braktisin vendin.

Arrestimet dhe paga e ulët janë dy problemet më shqetësuese, sipas kreut të Sindikatës së Mjekëve, Gent

“Arritën të jetonin këtu, u shkolluan këtu dhe kanë çdo gjë në këtë vend që vlen të vlerësohet të mund të largohen pikërisht se nuk arrijnë të gjejnë dot trajtimin e duhur dhe aq më tepër sesi i futin në kanale të cilat nuk u takojnë.”

Duke e cilësuar si një show mediatik arrestimin e kolegëve të tij, Stroni thotë se mbajtja e tyre pas hekurave është një veprim i gabuar për aq kohë sa nuk ka prova të mjaftueshme.

LEXO EDHE  VIDEO/ Vatër e madhe zjarri në Himarë, flakët shumë afër zonave të banuara

“Akti korruptiv do të duhet të shkojë atje ku ka vendin. Gjithë problematika qëndron që deri në vërtetimin e këtij akti nuk ke arsye pse ta mbash në burg, çfarë do të ndodhë pas 6 muajsh kur ky të dalë i pafajshëm?

Një tjetër rast absurd sipas Stronit është edhe rasti i Edvin Priftit, të cilit ju hoq e të drejta për ushtrimin e profesionit pavarësisht se akuzat për korrupsion ende nuk janë provuar.

“Nuk e di si këta zyrtarë nuk i japin të drejtën mjekëve për çdo lloj vendimi të gjykatës, kjo është abuzive.”

Mjekët në Tiranë zhvilluan dy protesta në lidhje me këtë situatë pas arrestimit të kolegëve të tyre tek spitali i Traumës, megjithatë nga ana i institucioneve nuk pati asnjë reagim./Oranews.