Një i dënuar me 25 vjet në burgun e Peqinit ka kërcënuar gruan dhe djalin e tij nga burgu se do t’i vrasë dhe do ta mbyllë njëherë e mirë këtë çështje me ta.
I burgosuri quhet Gëzim Leka dhe kërcënimi i tij drejtuar familjes është zbuluar përmes përgjimeve të telefonit. Kjo gjë ka ngritur në këmbë dhe ka alarmuar autoritetet të cilat janë vënë menjëherë në veprim. Më pas me kërkesë të prokurorisë, gjykata ka caktuar masën e arrestit me burg në mungesë me akuzën e dhunës në familje.
Prokuroria deklaroi se i dënuari e kërcënoi familjen pikërisht në momentin kur po bëhej gati të linte qelinë më datë 11 korrik, e cila përkonte me ditën e tij të lirimit për shkak se i kishte mbyllur hesapet me drejtësinë. Gruaja e tij ka deklaruar se ndihet e kërcënuar dhe jeta e saj dhe e të afërmve është e rrezikuar.
Për këtë arsye ditën që do të lirohej, Leka është njohur me masën e re të sigurisë të marrë ndaj tij. Mësohet se Gëzim Leka ishte dënuar për vrasjen e vëllait të gruas së tij dhe më pas teksa ndodhej në arrati, pas një debati të fortë ka ekzekutuar edhe dajën.
DENONCO