Tre vëllezërit u arrestuan lidhur me ngjarjen e ndodhur brenda gjykatës së Vlorës, një ditë më parë.
Një qytetar, i cili është irrituar nga një vendim civil i gjyqtarit Arqile Basho, e ka ndjekur këtë të fundit në korridoret e ndërtesës së drejtësisë, duke e akuzuar për “shitje vendimi”, si edhe duke e kapur me forcë prej “togës së zezë”.
Në videon e publikuar nga “Boldnews.al”, dëgjohet një qytetar, i cili i drejtohet me fjalë të ashpra Bashos, si edhe duke e akuzuar për një vendim skandaloz.
Këtë të Premte, policia njoftoi arrestimin e personit që duket në pamje dhe dy vëllezërve të tij.
“Specialistët për Hetimin e Krimit në Komisariatin e Policisë Vlorë arrestuan në flagrancë për veprën penale ‘Kundërshtimi dhe goditja e gjyqtarit’, kryer në bashkëpunim, shtetasit Myslim Myslimi 60 vjeç, Fatosh Myslimi 62 vjeç dhe Elmaz Myslimi 64 vjeç, (vëllezër), të tre banues në Vlorë, pasi në bashkëpunim me njëri tjetrin, në ambientet e brendshme të Gjykatës, kanë kundërshtuar me dhunë, shtetasin Arqile Basho, 63 vjeç, banues në Gjirokastër, me detyrë gjyqtar në Gjykatën e Shkallës së Parë Vlorë”, njoftoi policia.
LEXO EDHE:
Video/ “Qen bir qeni!” Qytetari kap për leckash gjyqtarin brenda gjykatës në Vlorë
