Kokaina në kontenierin e bananeve në portin e Durrësit, burg për administratorin e “Alba Exotic Fruit”

Bajron Gumeni, menaxheri i kompanisë që kishte porositur ngarkesën me banane, në të cilën u gjetën 11,4 kilogramë kokainë, do të qëndrojë në burg.

Gumeni është i vetmi i arrestuar lidhur me kokainën e kapur 3 ditë më parë në Portin e Durrësit, ka mohuar që të jetë i përfshirë në trafikun e drogës nga Amerika Latine drejt Shqipërisë.

Në dëshminë e tij para oficerëve të policisë së krimeve, menaxheri i firmës “Alba Exotic Fruit” që importon banane është shprehur se ishte paraqitur në port për të tërhequr konteinerin, të cilin e kishte porositur firma e tij në Ekuador.

LEXO EDHE  Horoskopi i të mërkurës/ Shenjat që nuk duhet të nxitohen shumë për të arritur qëllimet

34-vjeçari ka pretenduar se sasia prej rreth 12 kg kokainë është vendosur nga persona të tjerë në pjesën e jashtme të konteinerit.

Për grupin hetimor nevojitet dhe dëshmia e administratorit të firmës Eduart Dauti, i cili është shpallur në kërkim. Aktualisht ai ndodhet në Francë, pasi është larguar nga Shqipëria rreth një javë më parë në rrugë të ligjshme.