Biznesmenët e lokaleve në protestë: Të lejohen dasmat në zonën e Kamzës

Pronarët e lokaleve të dasmave në zonën e Kamzës kanë zhvilluar ditën e sotme një protestë përballë ambienteve të Ministrisë së Shëndetësisë, ku kërkuan lejimin e aktivitetit të tyre ekonomik pasi janë në prag falimenti për shkak të situatës së vështirë prej pandemisë.

Biznesmenët shprehen përpara kamerave se organizimi i dasmave lejohet në Tiranë dhe Durrës, ndërkohë që në Kamëz policia po kryen një reprezalje të lokaleve të dasmave dhe restoranteve me kontrolle të shumëfishta brenda ditës.

Biznesmenët kërkojnë që ligji të jetë i barabartë për të gjithë dhe ata të mos trajtohen si kriminelë, por të lejohen të zhvillojnë aktivitetin e tyre sipas protokollit në fuqi.

Sipas njërit prej tyre kjo situatë do të detyrojë organizimin e dasmave në ambiente shtëpie, çka mund të sjellë helmimin e qytetarëve në këto temperatura të larta.

Ne për një dasëm duhet të punosojmë 30 punëtorë, edhe ata do të na ikin pasi nuk presin dy vjet për të bërë ne një dasëm.

Vetëm Kamza nuk bën dasma. Nëse nuk na jep një zgjidhje zonja ministre, ne do të kemi probleme me dasmorët. Nëse dasmën nuk e bëjmë në lokal dasma do të bëhet në shtëpi, do të helmohen në shtëpi. Nuk e di pse nuk lejohen dasmat në zonën e Kamzës. Policia vjen çdo sekond, saqë tremben dhe fëmijët, sikur me qenë kriminel dhe jo me bo dasma”, u shpreh një pronarë tjetër.

LEXO EDHE  Aksident me vdekje, humb jetën 18-vjeçari

Nga ana tjetër një biznesmeni kërkoi barazinë e ushtrimit të ligjit, duke iu referuar restoranteve në Durrës të cilët operojnë me kapacitete të plota dhe disa lokaleve që lokaleve që zhvillojnë koncerte me mbi 3 mijë veta, pa pasur aspak shqetësimin e policisë.

Ligji është i barabartë për të gjithë, vijnë dasmorët e thonë po nuk i bëtë ju i bëjmë në Tiranë. T’ju bëj një pyetje, a bëhen dasmat a nuk bëhen? Nuk kemi me pagujt drita, kemi falimentu totalisht. Ligji duhet të jetë i barabartë. Ju më thoni ka njerëz a nuk ka njerëz në lokale. Kudo lejohet, po ne ca jemi? Ligji mbase është më i butë atje, te ne ndalohet. Policia është gjatë gjithë kohës në kontroll. Jemi shumë të mërzitur që ky dallim po bëhet për Kamzën. Vetëm shteti mund ti japë zgjidhje. Është katastrofë. Ne me shtetin nuk zihemi dot, na shtyp me këmbë. Dasmat vetëm më Kamëz nuk bëhem, policia është në vëzhgim, 10 herë në ditë, po i tremb fëmijët.

Vjen policia nuk na lejon fare, të shkoni në Durrës keni koncerte me 3 mijë veta, me 20 veta të vjen policia në sekond”, u shpreh një pronarë tjetër.