Pas firmës me Donnarummën, PSG bëhet me 8 portierë në skuadër

Paris Saint Germain vijon të blejë e të blejë lojtarë, disa falas e disa me para duke shtuar yjet në skuadër. Wijnaldum, Ramos, Hakimi e tani Donnarumma po e bëjnë skuadrën franceze një skuadër të vërtetë galaktikësh por drejtuesit nuk po e kuptojnë që duhet të shesin me patjetër disa lojtarë pasi është ekip i tejmbushur me futbollistë.

Për ta kuptuar më qartë mjafton vetëm të shikojmë portierët që pas firmës zyrtare me Donnarumman janë tashmë 8 tëtillë në ekipin e parë.

Donnarumma, Keylor Navas dhe Alexandre Letellier do të jenë tre portierët që do të mbrojnë portën e PSG për sezonin e ri ndërkohë që Areola, Sergio Rico, Marcin Bulka, Garissone Innocent dhe Denis Franchi janë të gjithë në grumbullim por asnjëri prej tyre nuk do të qëndrojë teksa klubi e ka marrë qetësisht këtë situate edhe pse të gjithë paguhen dhe rëndojnë bilancin e klubit.

LEXO EDHE  VIDEO/ Gafë qesharake portierit, Ferencvarosi i Uzunit kalon në avantazh në Champions

Areola, Bulka e Innocent, sezonin e kaluar ishin të huazuar te Fulham,  Chateauroux dhe Caen dhe pritet sërish të largohen me të njëjtën formulë pasi askush nuk dëshiron t’i blejë edhe duke qenë se kanë paga të larta edhe sepse është një vit i  vështirë financiarisht.

Ndërkohë që Rico dhe Franchi qëndruan sezonin e kaluar te PSG dhe as nuk luajtën por gjithmonë të paguar nga klubi dhe këtë verë duan të largohen përfundimisht.

Gjithsesi te PSG është një problem i madh mbipopullimi sepse që pas zyrtarizimit të Donnarummës, numërohen 39 lojtarë në ekipin e parë, pa frikë mund të bëhen 2 ekipe dhe madje me stol të zgjeruar.