Mbyllet mbledhja e Kryesisë së Partisë Demokratike, ja katër pikat që u miratuan

Pas më shumë se 2 orë e gjysmë diskutimesh përfundon mbledhja e Kryesisë së Partisë Demokratike. Mësohet se Kryesia e PD-së ka miratuar 4 pikat e rendit të ditës.

Pika e parë ka qenë ajo e analizës së zgjedhjeve të 25 Prillit, e cila u kundërshtua nga ana e drejtuesit politik të qarkut Korçë, Edmond Spaho, si dhe drejtuesi i qarkut të Durrësit, Edi Paloka.

LEXO EDHE  I nxehti afrikan ‘pushton’ Shqipërinë, ja sa shkojnë temperaturat javën e ardhshme

Ata mësohet se nuk u pajtuan me vlerësimet e bëra nga analiza e zgjedhjeve.

Pika e dytë e rendit të ditës kishte të bënte me propozimet e ndryshimeve statutore të propozuara nga kryedemokrati Lulzim Basha.

Pika e tretë dhe e katërt kishin të bënin me përcaktimin e anëtarëve dhe vëzhguesve të zgjedhjeve të 17 korrikut në kuvendin Kombëtar të Partisë Demokratike.