Katër shqiptarë janë arrestuar në Greqi, pasi kanë mbajtur peng për tri ditë me radhë një bashkëatdhetar të mitur.
I mituri ka rrëfyer se shqiptarët e rritur në moshë e kishin marrë peng dhe e kishin stërvitur, që të mund të bënte vjedhje nëpër dyqane të Athinës e të grabiste turistët.
Madje, të miturit nuk i është dhënë ushqim, deri në momentin që ai është shpëtuar nga makthi. Të katër shqiptarët e gjetën 17-vjeçarin në Omonia dhe pasi e rrahën, e futën me forcë në automjetin e tyre dhe e çuan në një hotel në qendër të Athinës ku po e mbanin peng.
I mituri ka kërkuar ndihmë tek një person, që ishte urdhëruar nga grupi ta grabiste. Në dyqan arriti menjëherë patrulla e policisë dhe bëri të mundur kapjen e dy shqptarëve dhe pjesën tjetër pranë hotelit.
