Situatë kaotike në Rinas/ U vonuan 5 fluturime, 3 nga kompania Wizz Air

Një situatë kaotike, e paprecedentë, është regjistruar pasditen e djeshme në Aeroportin Ndërkombëtarë “Nënë Tereza”.

Qindra qytetarë kanë qëndruar në pritje pa ditur se çdo të ndodhë më ta dhe pa marrë asnjë përgjigje nga kompanitë ku kishin prerë biletën.

Denoncimi është bërë në faqen e rrjetit social në Report TV nga një qytetar, i cili ka bërë me dije se kjo situatë vijonte që prej mesditës.

Referuar të dhënave të marra nga faqja zyrtare e Aeroportit, 5 fluturime nga tre kompani ajrore, ajo “WIZZ AIR”, “Edelweiss Air” dhe “SkyUp Airlines” janë vonuar duke krijuar një rast anormal në Rinas.

“WIZZ AIR” është kompania ajrore që ka më shumë fluturime të vonuara, e para është ajo e orës 10:45 drejt Treviso të Italisë, e dyta fluturimi i orës 15:15 drejt Romës dhe e treta e orës 15:20 drejt Vjenës. Më pas janë edhe dy fluturime të vonuara nga “Edelweiss Air” drejt Zyrihut dhe avioni i “SkyUp Airlines” drejt Kiev në Ukrainë.

LEXO EDHE  “Vala e të nxehtit përvëlon Europën Jugore”, CNN: Shqipëria ka pësuar mbi 120 zjarre në javët e fundit, situata më kritike në Vlorë
Fluturimet e anuluara diten e djeshme, qe krijuan kaos ne Rinas

Qytetari që ka bërë denoncimin në Report Tv ka prerë biletën te “WIZZ AIR” dhe thotë se kompania nuk i ka dhënë asgjë përgjigje për shqetësimin e tij, mbi motivet si edhe as si duhet të veprojë, nëse do duhet të presë ende apo të kthehet në shtëpi.

Prezenca e një numri të madh të qytetarëve të grumbulluar në një ambient të mbyllur përbën edhe një rrezik për përhapjen e COVID-19, aq më tepër në një kohë kur është rreziku i variantit Delta.