Rinohet Tirana, asnjë 30-vjeçar në ekip. Ja si pritet të rreshtohen bardheblutë në sezonin e ri

Tirana rinohet në sezonin 2021- 2022. Largimet dhe afrimet e lojtarëve duket se kanë ndryshuar edhe moshën në ekip. Nëse skuadra sezonin e shkuar kishte një mesatare prej 24.03 vjeç, këtë vit ajo do ta ulë më shumë se një vit, edhe pse lojtarët janë më të vjetër, por ndryshimi ka qenë se bardheblutë kanë larguar 30-vjeçarët.

Dhe tani Tirana ka një mesatare në moshë rreth 22.9 vjeç. Në fakt, krahasimi ka qenë shumë i vështirë, sepse nuk janë të njëjtët lojtarë në numër ndërsa sezonin e shkuar kishte më shumë futbollistë.

Tirana ka ndjekur politikën e famshme “largo të vjetërit dhe afro të rinjtë”. Kështu, jashtë skuadre kanë mbetur Kristi Vangjeli, 35 vjeç, Agustin Torasën dhe Elton Kalenë 32 vjeç, Idriz Batha 29 vjeç, Jurgen Vrapi 22 vjeç. Me shumë mundësi largohet edhe Ardit Toli 24 vjeç.

LEXO EDHE  Aksidenti i mori jetën në moshën 18-vjeçare, policia zbulon detajet e tragjedisë së djalit të Ballack

Janë afruar lojtarë shumë më të rinj, Realf Zhivanaj 23 vjeç, Vesel Limaj 24 vjeç, Florjan Përgjoni 24 vjeç dhe Redon Xhixha 23 vjeç që i mbush më 14 korrik. Duket qartë se ndryshimi është i madh te skuadra bardheblu, që rinohet nga ekipi i vjetshëm. Gjithsesi, Tirana ka zbritur në moshë dhe bardheblutë ia kanë dalë që të rinojnë skuadrën e tyre.

Formacioni i mundshëm i Tiranës në sezonin e ri:

4-2-3-1: Bekaj; Toshevski, Najdovski, Ismajlgeci, Celhaka, Limaj, Seferi, Hoti, Xhixha, Ngo