Koronavirusi/ Lehtësohen masat në Kosovë, ja çfarë ndodh nga dita e mërkurë

Ministria e Shëndetësisë së Kosovës ka marrë vendim që të zgjatet orari i organizimeve të dasmave, ahengjeve të ndryshme e klubeve të natës deri në ora 01:00 pas mesnate.

Po ashtu numri i të ftuarve në hapësirat e mbyllura do të jetë deri në 300 persona.

Kjo u bë e ditur nga Oda e Hotelerisë dhe Turizmit, të cilët thanë se vendimi ka ardhur pas takimit të kryetari i OHTK-së Hysen Sogojeva dhe drejtori i departamentit të estradës Afrim Muqiqi me ministrin e Shëndetësisë, Arben Vitia.

LEXO EDHE  VIDEO/ Zjarret në Gjirokastër, dorëzohet Peleshi: E pamundur, duhen evakuuar banorët

OHTK ka mirëpritur këtë vendim duke thënë se është falënderuese nga të gjitha institucionet përkatëse për besimin e dhënë për bashkëpunim në të mirën e shëndetit publik si dhe bizneseve. Ky vendim pritet të hyjë në fuqi nga dita e mërkurë, 14.07.2021.