Vendimi i Gjykatës Kushtetuese për Teatrin kombetarë është përshëndetur edh enga Shoqata Sindikale e Teatrit në Kosovë.
Në një reagim ata deklarojnë se ky vendim vërteton se shembja e teatrit ishte një veprim antikushtetues dhe i kundërligjshëm.
Deklarata
Shoqata Sindikale e Teatrit Kombëtar të Kosovës, përshëndetë vendimin e Gjykatës Kushtetuese të Republikës së Shqipërisë, i cili verteton së shëmbja e godinës së Teatrit Kombëtar, ishte veprim antikushtetues dhe i kundërligjshëm.
Kjo fitore e drejtësisë mbi padrejtësinë, është sadisfaksion moral për të gjithë ata qëndrestarë, që inicuan dhe i ndejtën besnik kësaj kauze, por është edhe mësim për klasën politike autoritare, që shtetin të mos e shoh si pronë personale, por ta konsideroi pronë qytetare.
Ky vendim i Gjykatës Kushtetuese, do të ketë kuptim vetëm nëse zbatohet në përpikëri, ku instancat tjera ligjzbatuese do të vëjnë para përgjegjësisë ligjore, të gjithë akterët relevant të cilët në kundershtim me kushtetutën shëmbën këtë godinë të trashëgimisë kulturore dhe historike.
Më këtë vendim Gjykata Kushtetuese, jo vetëm që vertetoi se drejtësia në Shqipëri nuk ka vdekur, por ajo mbajti gjallë shpresat e qytetarëve shqipëtarë, së Ajo do të bëhet ashtu siç do të bëhet dhe ringritet godina e Teatrit Kombëtar.
