Kryeministri i Kosovës, Albin Kurti, tha se Kosova refuzon pjesëmarrjen në nismën e Mini-Shengenit ballkanik, e cila sipas tij nuk ofron vizion për rajonin.
Në fjalën e tij gjatë konferëncës dy ditore ndërkombëtare, Forumi I Prespës për dialog, kryeministri i Kosovës kërkoi që rajoni t’i rikthehet agjendës së integrimit europian.
Mini-Shengeni është një nismë e përbashkët e presidenti serb Aleksandër Vuçiç, kryeministrit të Shqipërisë, Edi Rama, dhe atij të Maqedonisë së Veriut, Zoran Zaev, e cila synon përmirësimin e zhvillimit ekonomik dhe bashkëpunimit rajonal.
Ndërsa, kryeministri i Shqipërisë, Edi Rama, në fjalimin e tij ka insistuar për zbatimin e Mini-Shengenit duke nënvizuar se kjo nismë nuk do të thotë alternativë për BE-në , por përpjekje për t’I ofruar më shumë qytetarëve të rajonit duke përdorur potencialet e të gjithëve.
DENONCO