Nga prokurori te shefi i trafiqeve, kush janë zyrtarët e ndaluar nga operacioni i SPAK dhe autoriteteve italiane

Detaje të reja mësohen nga operacioni “shpirti”, në sajë të të cilit janë lëshuar 38 urdhër-arreste, që rëndojnë dhe ndaj zyrtarëve të lartë të prokurorisë dhe policisë shqiptare.

Burime bëjnë me dije se janë kryer kontrolle në disa qytete të ndryshme të vendit dhe janë ekzekutuar masat e ndalimit për dhjetëra persona me urdhër të SPAK, në bashkëpunim me anti-mafian italiane.

Në mesin e të arrestuarve është prokurori i Vlorës, Maksim Sota, i cili do të mbahet nën masën e arrestit të shtëpisë, nën akuzën e shpërdorimit të detyrës. Sota ka qenë kandidat për SPAK dhe akuzohet për korrupsion.

Në të njëjtën masë të arrestit të shtëpisë do të jetë dhe shefi i sektorit të trafiqeve në drejtorinë e përgjithshme të policisë së shtetit, Ilir Balla, i cili akuzohet nga SPAK për shpërdorim detyre.

LEXO EDHE  ‘Ti je injorant’/ Skandal! Rama zihet me gazetarin shqiptar në Shkup: Ishin vetëm mediat private të kryeministrave

Ndërkohë, në mesin e personave që janë hetuar gjatë këtij operacioni është dhe ish-oficeri i policisë së Vlorës, Festim Lelaj, i cili gjendet nën masën e arrestit, dhe prokuroria ka kërkuar ndaj tij 17 vite burg, për trafik droge.

Një tjetër zyrtar që ka dalë në përgjime është edhe Saimir Kurti, drejtor i zyrës së punës në Bashkinë Kavajë, ndërkohë që pritet dhe dalja zyrtare e Arben Krajës, për të dhënë më shumë detaje rreth këtij operacioni.

Raportohet se grupi i goditur merrej me trafikun ndërkombëtar të drogës, dhe dyshohet se lënda narkotike që ata kanë trafikuar kap shifrën e 40 milionë eurove.

Lexo edhe:

Aksioni në 4 shtete/ Pastronin para e trafikonin drogë, 38 urdhër-arreste, në pranga edhe zyrtarë