Plagosi tre persona pas sherrit për parkimin, kush është zyrtari i arrestuar sot

Saimir Kurti, drejtori i Zyrës së Punës në Kavajë, i cili u arrestua sot në kuadër të operacionit antidrogë Shqipëri-Itali, rezulton i përfshirë në një plagosje me armë në vitin 2016.

Në atë kohë Kurti nuk mbante asnjë post politik, ndërsa ngjarja ndodhi pas një sherri për në vend parkimi.

Kurti plagosi me armë zjarri babë e bir, Eqrem dhe Erkid Kazazin, i cili ishte kryetar i Forumit Rinor të PD në atë kohë dhe një kalimtar të rastit.

LEXO EDHE  Koronavirusi në Greqi/ 8 viktima dhe 1553 të infektuar në 24 orët e fundit

Ndërkohë, Kurti ka mbajtur postin e drejtorit të Zyrës së Punës në Kavajë edhe në vitin 2014, por dha dorëheqjen pas akuzave të PD se ai ishte një person i shpallur në kërkim ndërkombëtar për akuzën e kontrabandës, për t’u emëruar sërish më pas në këtë detyrë.