Ka edhe kështu/ Çifti detyron të ftuarit të lajnë pjatat pasi përfundon dasma

Një dasmë supozohet të jetë çast i lumtur për të gjithë pjesmarrësit, por ndonjëherë gjërat nuk shkojnë ashtu siç duhet, veçanërisht kur bëhet fjalë për të menaxhuar buxhetin e eventit.

Një përvojë jo dhe aq të mirë kishte një grua kur u ftua në një dasmë, në një vend “të mrekullueshëm dhe të shtrenjtë”, mirëpo e kuptoi se kostoja e këtij organizimi të “ceremonisë së bukur” u bë me shkurtime në aspekte të tjera.

Gruaja u trondit kur e zbuloi se ajo dhe nëntë të ftuar të tjerë ishin ngarkuar të lanin të gjitha pjatat e pista, pasi nusja dhe dhëndri që organizuan vetë-shërbimin me ushqim, nuk arritën ta punësojnë askënd për ta pastruar rrëmujën.

“Nusja dhe dhëndri harxhuan pjesën më të madhe të parave të dasmës së tyre në këtë vend dhe për fustanin e nusërisë, kështu që vendosën të ‘vetë-ushqeheshin’”, shkroi në Reddit.

“Darka mbaroi dhe shoqëruesja e nusjes, kërkoi që disa prej nesh në kuzhinë. Ajo na i tregon pjatat dhe gotat dhe më pas na thotë se duhet t’i lajmë”, u shpreh ajo.

Sipas saj, pjesë e këtij vetë-shërbimi, është që të merrni me qira enët, dhe nëse ato nuk kthehen të pastra në fund të mbrëmjes ju e humbni depozitën.