Aksident në rrugën Lushnje-Berat, ndërron jetë një person (Emri)

Një aksident i rëndë ka ndodhur mëngjesin e sotëm në rrugën Lushnje-Berat. Mësohet se një furgon ka marrë përpara një karrocë me gomar, ku për pasojë ka mbetur i vdekur një 77-vjeçar.

Ngjarja ka ndodhur në orën 6 të mëngjesit të sotëm, ku sipas informacioneve të para, viktima Kostandin Verushi, ishte nisur për tek tokat e tij në momentin e aksidentit.

LEXO EDHE  Ngrihet alarmi, zjarri në Karaburun rrezikon zonat e banuara në Dukat Fushë

Policia ka njoftuar se viktima ka gjetur vdekjen e menjëhershme, ndërsa është ndaluar drejtuesi i furgonit dhe po punohet për zbardhjen e shkaqeve të aksidentit.