Për sulmuesin e Ukrainës, Artem Besyedin, Kampionati Europian është mbyllur tashmë edhe pse kombëtarja e Shevchenko-s do të luajë në çerekfinale ditën e diel ndaj Anglisë. Sulmuesi pësoi një dëmtim të rëndë në gju pas ndërhyrjes horror nga Marcus Danielson i Suedisë.
Ndërhyrja në minutën e 99 të ndeshjes rezultoi mjaft e rëndë për ukrainasin, i cili la menjëherë fushën e lojës, i shoqëruar më pas edhe nga Danielson, i cili u ndëshkua me karton të kuq nga gjyqtari italian, Daniele Orsato, pasi pa pamjet në VAR.
Sulmuesi tashmë është nisur drejt Ukrainës, ku do ta ndjekë nga ekrani ndeshjen më të rëndësishme të historisë së futbollit ukrainas edhe pse mund të kishte qenë prezent në të.
