Nesër pritet që gjykata e Elbasanit të vendos për masën e arrestit për vrasësin me pagesë të Ilir Rexhepi. Ky i fundit u vra në qytetin e Elbasanit më 31 dhjetor të 2011.
Mihal Alias ose i njohur me emrin Mirgen Toshi akuzohet si autor i vrasjes me pagesë të Ilir Rexhepit si dhe për armembajtje pa leje.
Aktualisht, Rexhepi vuan dënimin në një nga burgjet greke, për trafik lëndësh narkotike. Prokuroria e Elbasanit ka mbi dy vite që heton në lidhje me këtë çështje dhe për identifikimin e këtij shtetasi është bërë nëpërmjet analizës së ADN-s, raporton MCN Tv.
Nga hetimet rezulton se ky shtetas është plagosur gjatë kryerjes së krimit dhe në vendngjarje janë gjetur gjurmë gjaku që rezultuan të tijat.
Nëse ndaj tij do vendoset arresti me burg nga gjykata e Elbasanit, Rexhepi duhet të ekstradohet në Shqipëri për shkak se akuza që ngre prokuroria e elbasanit është më e rëndë se ajo për të cilën mbahet në arrest ne Greqi.
Hetimet nga prokuroria po zhvillohen edhe për përfshirjen e shumë persona të tjerë bashkepunetorë në ngjarje.
