Pjesë e grupit të shpërndarjes së drogës te “ish-Parku”, shkon në 13 numri i të arrestuarve

Një tjetër person është vënë në pranga në kuadër të operacionit të koduar “Parku”, që goditi një grup që merrej me shpërndarje droge në zonën e ish-Parkut të autobusëve në Tiranë.

“Në vijim të operacionit, nga shërbimet e Policisë Kufitare Dhërmi, në koordinim me shërbimet e Komisariatit të Policisë Nr.2 Tiranë, u bë i mundur lokalizimi dhe kapja në Dhërmi, e shtetasit R. D.  Në zbatim të vendimit të Gjykatës, e cila i ka caktuar masën e sigurimit ‘Arrest në burg’, për veprën penale ‘Prodhimi dhe shitja e narkotikëve’, u bë ndalimi i shtetasit R.D., 21 vjeç. Ky shtetas, në bashkëpunim me personat e tjerë të arrestuar, merrej me veprimtarinë kriminale të shpërndarjes së lëndëve narkotike”, njoftoi policia këtë të Premte.

LEXO EDHE  Aksidenti me 10 të vdekur në Kroaci, dëshmon shoferi: Më zuri gjumi në timon…

Lexo edhe:

EMRAT/ Kush janë të arrestuarit për shpërndarje droge në Tiranë (VIDEO)