Heqja e aboneve të transportit publik nga Bashkia e Tiranës ka sjellë kosto të shtuar për qytetarë të cilët lëvizin me autobusë urbanë në përditshmërinë e tyre. “Organizata politike” e quan vendimin një padrejtësi që po u bëhet banorëve të qytetit.
Për këtë arsye, aktivistët e Organizatës Politike nga dita e sotme e në vazhdim do ndërmarrin një peticion me firma për të kërkuar anulimin e vendimit të Bashkisë Tiranë.
Firmat do të mblidhen në 5 pika, në qendër të kryeqytetit:
– Te 9-katëshet (ora 11:00 – 17:00)
– Pas 15-katëshit (ora 11:00 – 17:00)
– Te kafene Piazza (ora 11:00 – 17:00)
– Te Banka Kombëtare (ora 11:00 – 17:00)
– Te Biblioteka Kombëtare (ora 18:00 – 19:00)
Organizata fton të gjithë qytetarët që të japin kontributin e tyre në këtë nisëm.
