Kursi i këmbimit/ Leku i qëndrueshëm ndaj valutave kryesore

Leku shënoi qëndrueshmëri ndaj valutave kryesore, euros dhe dollarit amerikan, në tregun e këmbimit valutor vendas këtë të hënë, ndërsa humbi terren me frangën zvicerane, krahasuar me fundjavën.

Sipas kursit të Bankës së Shqipërisë dollari këmbehet sot me 101,23 lekë, me një rritje prej 0,33 lekë të monedhës amerikane.

Euroja këmbehet me 123,07 lekë, ose 0,01 lekë më shumë.

Ndërsa paundi britanik humbi 0,36 lekë dhe këmbehet 141,09 lekë.

Franga zvicerane këmbehet me 112,55 lekë, me një mbiçmim prej 0,19 lekë, krahasuar me fundjavën.