Akuzohet për lidhje me bastet, reagon Igli Tare: Gazetari gabohet …

Sot mediat italiane shkruanin për një përfshirje të Igli Tares në kompani bastesh sportive. Drejtori sportiv i Lazios, sipas “Report” në televizionin Rai 3, pretendohet se ka lidhje në mbi 400 pika bastesh (Top Bast) në Shqipëri, si një pronar i fshehur.

Përmbajtja e hetimit nga La Repubblica ishte quajtur “Futboll, klan dhe biznes”. Hijet shqiptare të Tares te Lazio”. Në lidhje me këto akuza të ditës së sotme, ka ardhur reagimi i parë i shqiptarit.

Tare nëpërmjet avokatëve të tij i ka quajtur akuzat të pabaza dhe se asnjëherë as ai as i vëllai nuk janë përfshirë në këto veprimtari.

LEXO EDHE  Gjermania dobët edhe në Olimpiadë, eliminohet në grupe

“Absolutisht i palidhur me kompaninë shqiptare të basteve Top Bast, në lidhje me të cilën, si vëllai i tij Genti, ai nuk ka interes të drejtpërdrejtë ose të tërthortë. Teza e mbështetur nga gazetari dhe e atribuar prej tij dokumenteve hetimore është thjesht e gabuar, sipas së cilës  “kompania u përket vëllezërve Genti dhe Igli Tare”.

Në mënyrë të ngjashme, Igli Tare e deklaron veten të palidhur me operacionin e përshkruar nga gazetari si një përpjekje nga klani Martiradonna për të blerë këtë kompani bastesh; mosfunksionimi i të cilave injoron çdo informacion.