Krimi në Shkodër, zbardhet dëshmia e autorit: Motrën e vrava se porositi mobilje

Viktima

Zbardhen detaje të reja për krimin brenda në familje në lagjen “Tre Heronjtë” në Shkodër, ku vëllai ekzekutoi motrën pas debatit për mobiliet.

Sipas burimeve pranë grupit hetimor, autori i ngjarjes Fabian Vukaj ka rrëfyer në polici se gjithçka ka nisur pas një porosie që viktima ka bërë për ndërrimin e mobilieve në banesën e saj çka ka sjellë irritimin e autorit i cili pas debatit verbal në gjendje të dehur ka qëlluar me armë zjarri motrën, Diana 58-vjeçe. Sipas po të njëjtave burime, autori ka telefonuar firmën e mobilieve për të mos i sjellë ato në banesë ndërkohë që shifra e porosisë ka qenë rreth 3-4 mijë euro.

LEXO EDHE  Fluks lëvizjesh drejt bregdetit, Policia Rrugore: Shmangni qarkullimin në...

Pas ekzekutimit të së motrës në dhomën e gjumit, ai ka vijuar jetën normalisht ndërkohë që nga banorët njihej si person i alkoolizuar.

Sipas fqinjëve ai merrte çdo muaj para nga e motra e cila jetonte si emigrante në Gjermani ndërkohë që kishte ardhur në Shkodër për të festuar ditëlindjen, ditën e sotme por që u kthye në ditë morti për të.

Në dëshminë e tij në policinë e Shkodrës, Fabian Vukaj ka pranuar autorësinë e krimit edhe pse ka qenë në kushte të rënda psikologjike. Ai ka treguar se gjithçka ka nisur pas debatit për paratë, debat i cili përfundoi në fundin tragjik për 58-vjeçaren.

/Abc News/