Patën sukses me Sadriun dhe Rexhepin, Skënderbeu kërkon 2 lojtarë të tjerë nga Shkëndija

Skënderbeu e mbylli sezonin pa rrezikuar qëndrimin në elitë, teksa gjatë dy fazave të fundit zhvilloi ndeshje fantastike në drejtimin e Memellit.

Dënimi nga UEFA ka bërë që klubi korçar të penalizohet te blerjet e lojtarëve cilësorë, teksa skuadra është bazuar në emrat e rinj.

Dyshja e Shkëndijës që luan në huazim, Leard Sadriu dhe Bekim Rexhepi kanë qenë surprizë për Superligën tonë, me mbrojtësin dhe portierin që do rikthehen te tetovarët me përfundimin e huazimit.

Memelli i kërkon sërish në skuadër, teksa korçarët kanë pikasur dy emra të tjerë. Bëhet fjalë për talentet Arbin Zejnullai dhe Florent Ramadani. Lojtarët mund të huazohen nga Shkëndija në Korçë, duke forcuar kështu grupin që Memelli ka në dispozicion.