Katër punëtorë dhe administratori i një kompleksi te Kepi i Rodonit në pranga për ndërtim të paligjshëm /VIDEO

Pronari i një kompleksi në plazhin e Kepi i Rodonit është arrestuar për ndërtim të paligjshëm. Në pranga po ashtu janë vënë edhe katër punëtorë.

Policia njoftoi se administratori i vënë në pranga është S.A., 43 vjeç, banues në Ishëm-Durrës, i cili akuzohet për veprat penale “Ndërtim i paligjshëm” dhe “Pushtimi i tokës”. Sipas të njëjtave burime, ai pasi është konstatuar duke ndërtuar dhe zaptuar hapësirën publike në pjesën e rërës buzë detit, pa lejen e organeve kompetente.

Po ashtu policia njoftoi dhe arrestimin në flagrancë të katër punëtorëve.

Në pranga u vunë: E.L., 21 vjeç; Xh.B., 27 vjeç, banues më Ishëm, Durrës; F. D., 43 vjeç, banues në Lushnjë dhe F.M., 23 vjeç, banues në Manzë, për veprën penale “Dhënie ndihmë për  ndërtim të paligjshëm”. Ata ishin duke kryer punime të ndryshme në ambientet e këtij kompleksi, sqaroi policia.

Në fillim të muajit, kryeministri Edi Rama paralajmëroi arrestime për ndërtimet pa leje madje edhe të punëtorëve.

“Unë dua ta bëj të qartë për të gjithë, nga inxhinieri deri tek punëtori më i fundit, me kodin e ri penal janë pjesë e zinxhirit të fajësisë. Nuk mund të thuash që unë jam punëtor dhe më morën nuk di ca bëj, sepse është njësoj të thuash që unë jam punuar, më morën për të transportuar miell, por kishte kokainë”, tha Rama.

VIDEO