Aksident në Fier, automjeti përplas motorin me të cilin udhëtonin nënë e bijë

Pamje nga vendngjarja

Një aksident me plagosjen e një gruaje 56-vjeçare dhe vajzës së saj ka ndodhur këtë të Shtunë në afërsi të fshatit Kallm të Fierit.

Policia njoftoi se rreth orës 08:30, shtetasi V.N., 65 vjeç, banues në Roskovec, duke drejtuar mjetin tip “Benz“, është përplasur me motomjetin tip “Xiang”, që drejtohej nga shtetasja N. S., 19 vjeçe, banuese në Kallm.

LEXO EDHE  Ikja e të rinjve, 78% e aplikimeve për azil janë të moshës nën 34 vjeç

Si pasojë e përplasjes është dëmtuar drejtuesja e motomjetit dhe nëna e saj, pasagjere në motomjet, shtetasja A.S., 56 vjeçe, të cilat ndodhen në spitalin e Fierit nën kujdesin e mjekëve.

Është shoqëruar në Komisariat drejtuesi i makinës dhe po kryhen veprimet procedurale.

Grupi hetimor po punon për zbardhjen e rrethanave të aksidentit.