Një studim i ri ka arritur në përfundimin se marrja e vitaminës D, nuk mbron nga infektimi i Covid dhe as në lehtësimin e gjendjes së personit të infektuar, ndryshe nga sa kanë rekomanduar hulumtuesit dhe mjekët duke trumbetuar për një vit të tërë, se marrja e kësaj vitamine mbronte nga koronavirusi i ri, Sars-Cov2.
Për të arritur në këtë përfundim janë vëzhguar të dhënat dhe ecuria e shëndetit të plot 1.2 milionë personave duke shënuar numrin më të madh të atyre që janë përfshirë në studime për koronavirusin e ri, raporton noa.al.
Studiuesit vëzhguan nivelin e vitaminës D dhe zbuluan se peronat të cilët kishin nivel të lartë të vitaminës D, nuk ishin të lidhur me një rrezik me të ulët të prekjes nga infeksioni Covid-19.
Midis personave të cilët kishin këtë sëmundje, nuk kishte asnjë ndryshim të nivelit të vitaminës D, dhe mundësitë që këta pacientë të paraqisnin komplikacione të rënda ishin po njësoj.
Studiuesit nga Universiteti McGill në Quebec, Kanada, pohuan se që nga dita e parë e pandemisë, kanë studiuar efektet e vitaminës D, e cila besohe se luante një rol kritik në sistemin imunitar dhe mund të vlente edhe në rastin e koronavirusit.
“Pjesa më e madhe e studimeve që janë marrë me ndikimin e vitaminës D kundër Covid, janë shumë të vështira për t’u interpretuar pasi ato nuk mund të përshtaten me faktorët e njohur që shkakton Covid-19, përjashtuar rastet kur ky infeksion prek moshat e mëdha, dhe personat që kanë sëmundje kronike, që kanë nivel të ulët të vitaminës D”, tha Dr Guillaume Butler-Laporte.
Në përpjekje për të zbardhur dilemat, një ekip shqyrtoi variantet gjenetike të lidhura fuqimisht me rritjen e niveleve të vitaminës D.
Pjesëmarrës u bënë 4,134 individë të cilët ishin diagnostikuar me COVID-19 dhe 1,284,876 njerëz pa COVID-19, nga 11 vende.
Studiuesit u mbështetën në metodën e re kërkimore të quajtur randomizimi Mendelian, i cili shikon ndryshimin në gjenet specifike – në këtë rast – të lidhur me nivele të larta të vitaminës D – dhe ekzaminon efektin e saj në një sëmundje – në këtë rast, koronavirusit.
Ekipi donte të shihte nëse kishte një predispozitë gjenetike për nivele më të larta të vitaminës D, dhe nëse ishte e lidhur me rezultate më pak të rënda në njerëzit që u prekën nga ky virus.
Studiuesit njoftuan se nuk gjetën prova që lidhin nivele të larta të vitaminës D dhe një rrezik më të ulët të kontraktimit të COVID-19.
Për më tepër, në mesin e pacientëve që rezultuan pozitivë, nuk kishte asnjë lidhje midis nivelit të vitaminës D, dhe mundësive për të shpëtuan nga përkeqësimi i gjendjes së tyre shëndetësore.
Që studimi të dilte sa më real, nuk u përfshinë persona si moshat e thyera që kanë mungesë të vitaminës D, duke sugjeruar që personat që kanë mangësi të kësaj vitamine të kujdesën për plotësimin e saj.
