8 dhjetori i kaluar ishte një ditë që tronditi të gjithë. I riu Klodian Rasha u ekzekutua nga policia për fajin e vetëm se shkeli orën policore gjatë pandemisë.
Në ditën e pretencës nga prokuroria që kërkoi 20 vite burg për Nevaldo Hajdaraj, TCH ka publikuar pamjet e momentit të vrasjes së Klodianit.
Gjithçka ndodh për pak sekonda, mbasi dy oficerë i kërkuan Klodianit të ndalojë. Polici nën akuzë në orën 2.2 minuta të mesnatës kalon rrugën. Klodiani është në trotuar. Polici tenton ta kapë, por Klodiani vrapon.
Polici rrëzohet, aty ulet në gjunjë dhe e qëllon mbas shpine Klodianin. Mbas të shtënave Klodiani vrapon dhe tre hapa dhe rrëzohet. Polici i afrohet dhe mbas tij dhe kolegu, ndërsa shfaqen në radio. Për pak sekonda Klodiani jep shpirt.
Mbas vrasjes së Klodian Rashës vendi u përfshi në protesta, që kërkonin drejtësi për Klodianin dhe që u mbyllën me dorëheqjen e ministrit të Brendshëm Sandër Lleshaj.
/Top Channel/
DENONCO