Akuzohet për vjedhjen 75 000 Euro, arrestohet gruaja

Një grua është vënë në pranga pasi akuzohet për vjedhjen e mijëra eurove në bashkëpunim me një tjetër person, konfirmuan këtë të Enjte burime nga policia e Përmetit.

Sipas të njëjtave burime, në pranga u vu shtetasja me iniciale O.Sh., banuese në Përmet, e cila ishte shpallur në kërkim policor. Ajo akuzohet se në bashkëpunim me shtetasin P.P., person ende në kërkim policor, i kanë vjedhur në banesë 75.000 Euro shtetasit K.P..

Burime policore thanë se janë arritur të sekuestrohen vetëm 27.000 Euro. Paratë dyshohet se janë një pjesë e shumës monetare të vjedhur.