Të tjera detaje janë zbuluar pas plagosjes së Edison Begaj në Vlorë, ku ditën e sotme u bënë publike edhe momentet kur u qëllua në sy të familjes, nga një person i maskuar nga policia.
Gazetari Ferdinand Dervishi ndërsa foli sot në Open për plagosjen e të “fortit” të Vlorës Edison Begaj, tha se ngjarja ndodhi sapo 38 vjeçari parkoi makinën pranë derës së banesës së tij.
Në momentin kur ky i fundit u kthye sërish te makina autori i plagosjes i ka dalë përballë dhe e ka qëlluar disa herë, ndërkohë që në makinë gjendeshin fëmijët e tij të mitur.
Begaj ka rënë në tokë dhe fëmijët të tronditur kanë lëvizuar nga makina.
Lidhur mbi ngjarjen e ndodhur më datë 29 maj, policia e Vlorës nuk ka asnjë të ndaluar për atentatin, ndërkohë që Begaj ka dalë jashtë rrezikut për jetën, pasi plagët i ka marrë në pjesën e poshtme të trupit.
Gazetari Dervishi zbuloi se “çanta që Begaj kishte të varur në qafë mbante miliona lekë brenda, dhe dy prej plumbave janë ndaluar nga tufa e parave”.
