Publikohen pamjet nga prona e Edison Begajt në Kaninë të Vlorës, e cila është e rrethuar dhe e mbrojtur si një kështjellë.
Porta madhështore është e pajisur dhe me një kamera, që pritet në ka filmuar sulmuesit që plagosën me armë Begajn, mbrëmjen e së shtunës.
Po ashtu në tokë, shpërndarë janë ende disa gëzhoja që u gjetën edhe nga gazetarët që filmuan vendin e krimit.
Sipas SYRI TV, autorët që e plagosën Edison Begajn me plumba në këmbë, dyshohet se kanë dashur t’i japin një mesazh më shumë se të tentonin ta vrisnin atë në errësirë.
Nga ana tjetër, vetë Begaj në dëshminë e tij nga spitali ka deklaruar se nuk dyshime për asnjë person që të ketë dashur ta qëllojë.
Edison Begaj ka një të kaluar të ngarkuar me rekorde kriminale, drogë dhe vrasje.
Edhe pse është dënuar, ai është liruar më pas nga akuzat me disa procese gjyqësore dhe ka kërkuar edhe dëmshpërblim për vitet e burgut.
Ish i dënuar për drogë dhe armë
Begaj është subjekt i Operacionit Forca e Ligjit dhe në vitin 2019 i është kërkuar të deklarojë pasurinë. Begaj është emër i njohur për drejtësinë shqiptare pasi është dënuar më herët për trafik droge dhe armësh.
Edison Begaj u shpall në kërkim ndërkombëtar në 20 shkurt të vitit 2008 pas operacionit policor të koduar “Qiriu i ndezur”.
Më 20 shkurt të vitit 2008, policia e Vlorës përfundoi operacionin e koduar “Qiriu i ndezur” kunder një bande që trafikonte në Itali drogë dhe armë. Operacioni u shtri në Vlorë, Fier, Kavajë dhe Lushnje çoi në pranga shtatë persona dhe midis tyre edhe Edison Begajn.
Policia dhe Forcae e Ndërhyrjes së Shpejtë kapën 284 kilogramëve hashash të ndara në tetë pako të mëdha, në fshatin Ndërmenas të Fierit. Ajo u gjet në një furgonbashke me 5 armë zjarri automatike, një pistoletë, dhe një sasi e konsiderueshme fishekësh dhe granatash, destinuar për grupet kriminale italiane.
Gjykata e Vlorës dha masën e sigurisë “arrest me burg” për Begajn, masë qe u rrezua nga Gjykata e Apelit për Krimet e Rënda në Tiranë.
Por edhe pas kesaj, Prokuroria e Krimeve të Rënda rikërkoi masën “arrest me burg” ndaj Begajt dhe Gjykata e Krimeve të Rënda në kryeqytet e pranoi kërkesën e organit të akuzës.
Disa prej të akuzuarve u arratisën nga Shqipëria, me ta edhe Edison Begaj. Begaj me pas u arrestua më 25 mars të vitit 2009 në Itali dhe u ekstradua ne Shqiperi më 30 tetor 2009.
Me vendimin e datës 18 tetor 2010, Gjykata e për Krimet e Rënda e dënoi Edison Begajn me 7 vjet e 6 muaj burgim.
Por më 5 korrik 2012, Kolegji Penal i Gjykatës së Lartë vendosi pushimin e gjykimit për Edison Begajn, i akuzuar për trafik ndërkombëtar armësh dhe municionesh dhe trafik ndërkombëtar droge dhe pas kesaj Begaj edhe kompensim për burgim të padrejtë.
DENONCO