Ditën e sotme është zhvilluar mbledhja e rradhës e Komisionit të Ankimimeve dhe Sanksioneve, në lidhje me kërkesën e bërë nga Partia Demokratike dhe kandidati i pavarur Boiken Abazi për shpalljen e pavlefshme të zgjedhjeve të 25 Prillit.
KAS ka vendosur që të rrëzojë kërkesën e bërë për shpalljen e pavlefshme të zgjedhjeve të 25 Prillit.
Partia Demokratike ka bërë kërkesa të njëpasnjëshme për shpalljen e pavlefshme të zgjedhjeve të 25 Prillit në qarqe të ndryshme duke pretenduar se janë kryer shkelje të cialt kanë manipuluar vullnetin e qytetarëve. Por deri më tani të gjithë këto kërkesa të bëra po hidhen poshtën nga KAS duke mos i pranuar pretendimet e partisë Demokratike.
Ky vendim nuk është pritur aspak mirë nga përfaqësuesi i PD. Marash Logu i cili ka akuzuar kreun e KAS se ky është një vendim politik që vjen si pasojë e urdhërave që sipas tij, kryeministri Edi Rama ua dërgon në telefon.
Pjesë nga debati
Marash Logu: Ne prisnim që transparencën që s’na e bënë institucionet ta bënte KAS, por ju u sollët si drejtuesit polik të Partisë Socialiste.
Ledio Braho: Ti heqim këto terma, kemi qenë në seanca gjyqësore dhe askund nuk etiketojmë njeri që merr vendime për cështje të aferave kriminale.
Marash Logu: 114 kërkesa për transparencë janë refuzuar. nuk presim asgjë nga ky komision.
Ledio Braho: Është fakt.
Marash Logu: Fakt publik dhe juridik.
Ledio Braho: Nuk jam dakord me ty, këtë seancë e kemi për qarkun e Tiranës.
Marash Logu: Braho, me gjithë respektin dhe konsideratën, më lini të konkludoj për atë që mendoj se është më mirë. Nuk mendoj se duhet të bëjmë diskutim për konkluzionet e palëve.
Ledio Braho: Duhet të keni respekt, nëse e keni të pamundur, nëse atë nivel edukate keni që të manifestoni, duhet të keni etikë për profesionin që keni dhe subjektin që përfaqësoni. Në mënyrë të përsëritur etiketoni dhe flisni në mënyrë jo etike. Së paku, ruani etikën. Kërkesat rrëzohen në procese gjyqësore, në Gjykatë, në procese administrative. Mbase keni bërë kërkesa që ligjërisht nuk qëndrojnë, por nuk ju takon të etiketoni në mënyrë profesionale. Nëse nuk keni respekt për vete, respektoni partinë e madhe që përfaqësoni.
Marash Logu: S’kemi nevojë për leksione etike e morale që shkeljen e ligjit e kanë bërë rutinë. Këtu nuk vijmë për etikën e njërit apo tjetrit, kemi qëndrimet tona që duhet t’i paraqesim.
Ledio Braho: Edhe një herë, keni të drejtë që ju jep ligji, Kodi Zgjehdor për funksionimin e seancave por pa etiketime. Vijoni të kërkeoni pavlegshmërinë e zgjedhjeve për qarkun Tiranë?
Marash Logu: Kjo është pyetje retorike, sigurisht që i qëndrojmë të gjitha kërkesave. Po për sa kohë që urdhrat politikë vijnë në telefonat e anëtarëve të KAS nga Edi Rama, Taulant Balla dhe Damian Gjiknuri…
Ledio Braho: Nëse keni shqetësim për telefonat, të jeni i hapur, telefonin tim mund ta keni që tani. Por këto nuk janë mesazhet e duhura që doni.
