Vodhi 80 mijë euro dhe i bleu shtëpi dhe makinë babait, arrestohet shqiptari në Francë

Një 22 vjeçar, shqiptar nga Kosova, që jeton në Strasburg të Francës është arrestuar pasi kishte vjedhur 80 mijë euro nga kompania ku punonte.

Sipas mediave franceze, i riu kosovar punonte në një kompani të duhanit në Francë, dhe me paratë që ka vjedhur i ka blerë babait të tij në Kosovë shtëpi dhe makinë.

Për tri vjet me radhë, i riu ka vjedhur mbi 80 mijë euro pa dijeninë e shefit të tij.

Vjedhjen e ka bërë përmes arkës së parave të gatshme, duke bërë më pas rimbursime false, shkruan media L’Alsace.
Pasi u ndaluan për mashtrim dhe pastrim parash babë e bir pranuan vepren penale në prokurori.