Policia e Tiranës ka vënë në pranga 24-vjeçarin, Markeljan Cungu, i cili dyshohej se ishte autori i grabitjes me armë në Allias, ku mbetën të plagosur, Petrit dhe Afërdita Laze (burrë e grua).
Ngjarja ka ndodhur më 19 janar të vitit të kaluar, ku Cungu, në bashkëpunim me shtetasin F.M, tentuan të grabisnin banesën e Petrit Lazes në Allias, por pasi u pikasën plagosën pronarin e shtëpisë Petritin, së bashku me gruan e tij.
Ndërkohë, 24-vjeçari, ishte i shpallur në kërkim ndërkombëtar, prej 1 viti, pasi ishte dënuar nga Gjykata e Tiranës, me 25 vite burg, për armëmbajtje pa leje, vjedhje me dhunë dhe plagosje të rëndë me qëllim.
