Billie Eilish, në një intervistë për Vogue, foli për këngën “Your Power”, që i referohet një marrëdhënieje abuzive kundrejt një të mituri. Ajo tha se të gjithë bashkëmoshatarët e saj kanë përjetuar një lloj sjelljeje të papërshtatshme seksuale.
“Kënga me të vërtetë nuk ka të bëjë me një person. Ju mund të mendoni, ‘është kështu sepse ajo është në industrinë e muzikës’. Jo. Është kudo. Unë nuk njoh një vajzë apo një grua që nuk ka pasur një përvojë të çuditshme ose përvojë vërtet të keqe.
Nuk ka rëndësi se kush jeni, si është jeta juaj, më ke rrethoheni, sa të fortë jeni, sa të zgjuar. Gjithmonë dikush mund të përfitojë. Ky është një problem i madh në një botë me abuzime seksuale, vajza që janë të sigurta dhe me vullnet të fortë e gjejnë veten në situata ku janë viktimat.”- tha këngëtarja.
Në fund, ajo thekson se “është kaq e turprshme dhe poshtëruese që të jesh në një pozicion ku pasi mendon që di kaq shumë, abuzohesh”.
