Tom Doshi rezulton më i votuar nga kandidatët për deputetë në Shkodër. Edhe pse i vënë në qendër të akuzave, veçanërisht nga ambasadorja amerikane Yuri Kim për shkak të vendimit të marrë vite më parë nga Sekretari amerikan i Shtetit që i ndaloi Doshit dhe familjes së tij hyrjen në territorin e SHBA-ve, ai ka arritur të dalë i pari më i votuar në qarkun Shkodër.
Tom Doshi numëron 7 886 vota në Shkodër me partinë e tij PSD që arrin të marrë dy mandate deputeti në këtë qark. Megjithatë, Doshi ka njoftuar se nuk do të jetë pjesë e parlamentit dhe pse shtoi se do vijojë të mbetet pjesë e politikës. Dy pasuesit e tij në listë pritet të jenë pjesë e Kuvendit.
PS, ndërkohë, ka marrë tre mandate në Shkodër. Nga lista e tyre, më të votuarit janë Paulin Sterkaj me 7 335 vota dhe Benet Beci me 6 131 vota, të renditur përkatësisht në numrat 2 dhe 3 të PS. Bashkë me ta në Kuvend shkon edhe numri 1 listës së PS në Shkodër Edona Bilali, e cila mori 2711 vota. Jashtë parlamnetit mbetet ish-ministri i Shëndetësisë Ilir Beqaj, i katërti në listë, i cili ka marrë 3920 vota.
Nga lista e PD ndërkohë, i pari është renditur Bardh Spahia me 7 219 vota, megjithatë ai mbetet jashtë parlamentit për shkak të renditjes i shtati në listë. Spahia nuk ka arritur të thyejë herësin prej 9 441 votash.
Pas Spahisë, më shumë vota ka marrë numri një i listës së PD në Shkodër dhe drejtuesi politik i Qarkut, Helidon Bushati, me 6743 vota. I treti Zef Hila me 5975 vota. Pas tij, Ramadan Likaj me 4778 vota i pasur nga Lodovik Hasani me 3810 vota. Edhe ky i fundit, i 6 në listë, mbetet jashtë parlamentit.
Në Kuvend, ndërkohë, futen pesë të parët e listës.
Izmira Ulqinaku dhe Nard Ndoka mbeten po ashtu jashtë Kuvendit si dhe Bardh Spahia.
