Superiorja U21/ 24 gola në 5 ndeshje, Tirana triumfon në derbi kundër Dinamos. Rezultatet dhe klasifikimi!

Janë mbyllur 5 sfidat e luajtura për javën e 22-të të Kategorisë Superiore U21, ku në pesë ndeshje u realizuan plot 24 gola.

Laçi mposhti thellë 6-0 Shënkollin dhe mban ritmin e kryesuesve të kampionatit, ku pas 22 javëve të luajtura ndodhet në vendin e 3-të në kuotën e 48 pikëve.

Vllaznia mori një fitore të pastër 4-0 kundër Apolonisë në stadiumin “Loni Papuçiu” të Fierit. Shkodranët shënuan nga dy herë për çdo pjesë lojë dhe I bashkohen Laçit në renditje në kuotë të barabartë pikësh.

LEXO EDHE  Probleme në prapavijë tek Vllaznia, Brdaric vuan mungesën e dy titullarëve

Sfida midis Turbinës dhe Football Republic ishte një spektakël golash, ku vendasit arritën të fitojnë me rezultatin 6-2. Në ndeshjet e tjera Kukësi mposhti 4-0 Kastriotin, ndërsa Tirana fitoi 2-0 derbin e kryeqytetit kundër Dinamos.

Rezultatet e javës së 22-të:

Laçi-Shënkolli  6-0

Kukësi-Kastrioti 4-0

Turbina-Football Republic 6-2

Apolonia-Vllaznia 0-4

Tirana-Dinamo 2-0