Kandidati i PD në qarkun e Korçës, Ervin Salianji, ka zhvilluar një takim me banorët e Voskopit. Salianji tha se më 25 prill të gjithë shqiptarët do të ndëshkojnë pushtetarët dhe rilindasit, pasi në 8 vite punuan vetëm për xhepat e tyre.
Sipas Salianjit gjithë qarku i Korçës do t’i përgjigjet me votë përçmimit dhe fyerjes që Edi Rama, Niko Peleshi dhe njerëzit e tyre i kanë bërë qytetarëve në këto 8 vite.
‘Në Voskop ndryshimi ka ardhur 🇦🇱 Për herë të parë ndoshta në historinë politike shqiptare, një parti dhe një kryeministër i ka të gjithë kundër. Të mëdhenj dhe të vegjël, fermerë dhe pronarë, biznesmenë dhe sipërmarrës, pensionistët dhe të papunë, të punësuarit e administratës dhe socialistë të ndershëm janë të gjithë kundër një qeverie që nuk përfaqsoi kurrë interesat e qytetarëve të saj. Voskopi dhe gjithë qarku i Korçës do t’i përgjigjet me votë përçmimit dhe fyerjes që Edi Rama, Niko Peleshi dhe njerëzit e tyre i kanë bërë qytetarëve në këto 8 vite. #PartiaDemokratike #NR9 ✌️💙’, tha Salianji.
DENONCO