Pas Sarandës, Delvinës, Tepelenës, kreu demokrat, Lulzim Basha ka vijuar takimet elektorale në Levan. Basha tha se nga Saranda në Tropojë, nga Korça në Durrës, ka parë te qytetarët dëshirën për ndryshim.
“Kam takuar nëna me lot në sy për fëmijët që po largohen në emigracion. Kam takuar gjyshe e gjyshër, që pasi paguajnë faturat e energjisë, nuk i mbeten as lekë për ilaçe.
Por kam parë te to shpresën për ndryshim, shqiptarët mezi po presin 25 prillin. Iu them baballarëve shqiptarë, demokratëve dhe socialistëve, të ngrenë kokën pasi nuk janë as skllevër të Kryeministrit dhe as të oligarkëve. Ju bëj thirrje shqiptarëve të bashkohen në ndryshimin e madh”, tha Basha.
Ai tha se nën qeverisjen e Edi Ramës u larguan nga Shqipëria 500 mijë shqiptarë, pasi nuk shikonin shpresë.
“I mbani mend premtimet e Edi Ramës? Asnjë nuk mbajti, dështoi totalisht. Ndaj sot i ftoj të gjithë shqiptarët, pa asnjë dallim: votoni nr 9, votoni për ndryshimin”, tha Basha.
