Presidenti Ilir Meta i ftuar në ‘Open’, zbuloi emrat e personave që sipas tij janë denoncuar si anëtarë të mafies së inceneratorëve dhe që bëjnë presione në Durrës.
“Unë e di që te inceneratorët shqetësohen të gjithë, dhe ta dëgjojnë të gjithë qytetarët e Durrësit dhe të gjithë ‘dashnorët e drejtësisë’ se mafia e inceneratoreve, anëtarët e së cilës janë sot kandidatë të Rilindjes në Durrës, po kërcënojnë djemtë dhe vajzat e Durrësit. Në krye qëndron ish-ministri i LSI që sot kandidon për Rilindjen. Këta mafiozë po bëjnë fushatë në Durrës me paratë e inceneratorëve.
Doni ta dini pse vajta në Durrës para disa muajsh, sepse shtabi i inceneratorëve kërcënonte vajzat dhe djemtë e Durrësit të Lëvizjes Socialiste për Integrim”, tha Meta.
Emrat e denoncuara nga Presidenti Meta si anëtarë të mafies së inceneratorëve që bëjnë presione në Durrës:
Lefter Koka
Arben Seferi
Arbër Shtylla
Juri Meraj
Skerdi Bello
Arbër Koka
