Një shef i policisë lokale italiane u arrestua të martën për përpjekjen për të futur në burg oficerin e tij komandues duke vendosur kokainë në makinën e tij. Salvatore Furci, komandanti i policisë lokale të Trezzano sul Naviglio, në provincën e Milanos, u arrestua këtë mëngjes, nga policia, së bashku me një shqiptar, Mariglen Memushi.
Urdhri i paraburgimit ndaj tyre vjen pas hetimeve të kryera pas denoncimi në policinë lokale të komunës Corbetta Milan, se kishte disa doza kokainë të fshehur në makinën e tij natën e 4 janarit 2020.
Sipas akuzës, ishte vetë Furci, drejtpërdrejt ose përmes palëve të treta, ai që vendosi drogën në makinën e kolegut. Historia fillon në vitin 2018, kur Furci është fituesi i konkursit për të plotësuar pozicionin e oficerit në forcën lokale të policisë së Corbetta. Gjithashtu për shkak të mendimit negativ të shprehur nga komandanti i policisë lokale, ai nuk e kishte kaluar periudhën e provës dhe në 2019 ai ishte kthyer në pozicionin e agjentit brenda policisë lokale të Milanos.
Ndaj, ai vendosi të hakmerrej kundër kolegut. Por “anomalitë” e kontrollit në makinën e komandantit, në vitin 2020, e bënë ekipin e policisë së Milanos të dyshimtë, i cili hetoi duke parë sistemet e kamerave të mbikëqyrjes dhe telefonatën e mbërritur në numrin 112 ku ishte bërë denoncimi duke pretenduar se i kishte shitur drogën.
Memishi rezultonte të ishte personi që kishte telefonuar policinë, pavarësisht përpjekjes për të ndryshuar zërin. Sipas hetimeve, Furci ishte përpjekur të merrte informacione përmes të njohurve që shërbenin në Gjykatën e Milanos për të zbuluar në lidhje me ekzistencën e procedimeve penale kundër tij për faktet që çuan në arrestimin e tij.
