Ish-kryeministri Sali Berisha nuk kurseu sulmet për kundërshtarin e tij politik, Edi Rama, në intervistën për “Zgjedhje 2021” në “Vizion Plus”.
Sipas tij, fjala që Rama thotë më shpesh është emri i Berishës. Si shpjegim për këtë, Sali Berisha tha se kreu i qeverisë është i kompleksuar prej tij.
Kurse Lulzim Bashën, Berisha e sheh si varrmihësin e Edi Ramës.
“Edi Rama ka një problem të tmerrshëm me Sali Berishën. Pas parasë, Zoti i tij absolut është Sali Berisha. Jo se kam dashur unë, por se ka zgjedhur ai.
Edi Rama vuan nga sindroma e refuzimit të të vërtetave të hidhura. Tani shpejt do të dëgjoni një studim të bërë në internet, del Sali Berisha njeriu më i cituar në këtë Tokë. Por nga kush thua ti? Nga Edi Rama! I kompleksuar nga unë.
Lulzim Bashën e shikon si varrmihësin e tij sepse nuk mund të pranojë të vërtetat e hidhura në ndërgjegje. Ai thotë ‘Ky po më bën varrin mua’”, theksoi ish-kryeministri Berisha.
