Pa numra banesash, emra familjesh! Erion Veliaj, 9 mln euro për riforcimin e pallateve nga tërmeti

Nga Boldnews.al

Pandemia dhe tërmeti po përdoren rëndom nga mazhoranca për zgjedhjet e 25 prillit. Duke pasur në dorë gjithçka, Edi Rama po synon që paratë publike t’i përdorë në çdo formë për mandatin e tretë. Nuk mbetet pas edhe Lali Eri, ose siç e thërrasin në PS “shefi i vogël”, pas ambicieve të hapura për të marrë drejtimin e selisë rozë. Megjithëse KQZ i ka ndaluar për të bërë inaugurime të banesave të të prekurve nga tërmeti, Veliaj po punon “nën rrogoz”. Ai ka urdhëruar bërjen e një super tenderi, me vlerë rreth 9 milionë euro. Por, ajo që bie në sy në këtë prokurim është se në dokumente s’ka adresa të pallateve, banesave që do të restaurohen, as emra të familjeve e të dhëna të tjera.

Veliaj po përdor këtë skemë vetëm për fushatën dhe zgjedhjen. Duke shmangur pakënaqësitë e familjeve që do preken, ai po justifikohet vetëm me faktin se ka hapur tenderin. Dhe, në këtë mënyrë u premton vetëm verbalisht familjeve se banesat/pallatet do të restaurohen. Por, se cila banesë/pallat, kush familje apo të dhëna të tjera, këto janë vetëm në zyrat e Bashkisë së Tiranës, e cila këto ditë është kthyer në shtabin elektoral të PS-së. Punonjësit shtetërorë po punojnë për llogari të PS; votën në këmbim të emrit në listën e pallateve/banesave që do restaurohen. Sipas dokumenteve që disponon BoldNeës, Bashkia e Tiranës ka hapur tenderin me objekt “riforcim i njësive të banimit në ndërtesa (pallat)”. Fondi për këtë tender, ose vlera e përafërt është 827.723.127 lekë pa TVSH. Me TVSH, rreth 9 milionë euro. Dhe shikojeni pak kohëzgjatjen e kontratës; jo më shumë se 4 vjet! Tenderi do të bëhet në datën 19 prill, vetëm 6 ditë para zgjedhjeve, çka duket qartë se po përdoret rëndom për vota elektorale.

LEXO EDHE  Bilanc lufte/ 441 të infektuar dhe 10 v*ktima në 24 orët e fundit në Shqipëri, më i riu 21-vjeç

Duke hulumtuar dokumentet, ajo që bie në sy është se s’ka asnjë informacion shtesë se çfarë do bëhet. “Bashkia Tiranë është caktuar si njësi zbatuese për ‘programin e rindërtimit në zonat e prekura nga tërmeti’. Në funksion të këtij programi, bashkia kërkon angazhimin e kompanive të kualifikuara dhe të afta për riforcimin e njësive të banimit në ndërtesa (pallat) për zonat e prekura nga termeti dhe shpall këteë procedurë prokurimi për marrëveshje kuadër” thuhet në këto dokumente.

Pra, po përdor aktin normativ dhe fatkeqësinë natyrore për të vepruar për llogari të partisë. Në lidhje me mungesën e informacioneve, bashkia thotë se gjatë fazës së dytë të minikonkurimit, nëpërmjet ftesës për ofertë, do të vendoset në dispozicion të operatorëve ekonomik për secilin objekt prokurimi, projektin, preventivin madje edhe kohëzgjatjen si dhe specifikimet teknike. Informacione ka vetëm se pallatet që do të riforcohen do të jenë në Njësitë Administrative 2, 3, 4, 5, 7, 8, 9, 13, 14 dhe Njësia Dajt. Pra, banorë, bëhuni gati se do t’ju kërkojnë votën për ta futur pallatin tuaj në listë!