Ish-drejtori i Aviacionit Civil lirohet pas 6 orësh, ja çfarë deklaroi në Polici

Petrit Sulaj, ish-drejtori i Aviacionit Civil është liruar pas gjashtë orësh qëndrimi në Komisariat.

Sulaj u shoqërua të enjten pasi numri i tij i celularit doli tek bisedat telefonike të kontrollorëve ajrorë që u shoqëruan.

Sulaj ka thënë në polici se nuk është për ndërprerje të punës por për dialog mes palëve.

Kreu i Sindikatës, Armando Fezga, përgjegjësja e turnit, Flora Ndreca dhe Muhin Mezini janë vënë në pranga pasi dyshohen se janë organizatorë të kësaj proteste.

LEXO EDHE  Shkeljet me tenderat në Ministrinë e Brendshme, SPAK po verifikon kallëzimin e KLSH

Ndërsa mbi 20 të tjerë janë shoqëruar në Polici gjatë natës për t’u marrë në pyetje, ndërsa më pas janë lënë të lirë. Ndërkohë, fluturimet kanë nisur normalisht ditën e sotme në Rinas.