Nga Boldnews.al
Armiqtë e pushtetit dhe partisë sabotuan punën në Aeroport, ashtu si vite më parë kur i gjetëm sabotatorët në tharjen e kënetave, në naftë dhe sektorë të tjerë të ekonomisë, duke i vënë para litarit, edhe sot nuk do kenë vend ku të futen.
Kemi pasur kohë që ta analizojmë situatën dhe me ndihmën e ushtrisë dhe policisë heroike, pa lënë pas edhe “hetuesinë” e Tiranës, që bën çfarë thotë partia, ne e shkatërruam grupin puçist të Aeroportit. Partia ka nevojë të sqarohet më imtësisht dhe do të pyesni si arritëm t’i zbulonim në një kohë të shkurtër? Informojmë organizatën bazë të partisë se kontribut të madh ka dhënë shoqja Balluku.
Kishte kohë që ishte informuar mbi një “puç të mundshëm” dhe ajo pa u ndjerë dhe duke shkuar deri në vetëmohim, ditë dhe natë, majë makinash të rënda dhe avionësh, sa në Dubai në Burbullimë, arriti të marrë informata. Faktet tregojnë se ajo është “tretur” duke ndenjur pa ngrënë për shumë ditëe pa vënë gjumë në sy për shumë netë.
Për këtë ishte në dijeni edhe shoku Edi, i cili e shtynte edhe më fort shoqen e bindur të partisë dhe pushtetit që të arrinte suksese dhe të kapte me plot meritë majat. Informojmë me bindje të plotë se grupi puçist është shkatërruar në bazën e saj organizatore. Megjithatë, kemi dhënë udhëzimet e duhura shokëve të hetuesisë që të thellojnë edhe më shumë çështjen.
Mendojmë se këta puçistë nuk kanë vepruar vetëm, dyshojmë se një dorë e errët dhe e stërvitur, edhe nga jashtë vendit, kanë vepruar për të rrëzuar pushtetin me në krye shokun Edi. Sigurojmë partinë që ai është shumë mirë me shendet duke i bërë ballë edhe një herë sulmeve që vijnë nga brenda dhe jasht, nga toka, nga ajri, por edhe nga deti.
Shoku Edi, që në momentin e parë ka biseduar me mikun e tij Rexhep. Në rast se puçistët do të synonin deri marrjen e bllokut, atëherë udhëheqësi ynë do të largohej për siguri nga Aeroporti i Kukësit. Provat se arrijnë të ulen avionë të vegjël në këtë aeroport që e kemi dhënë me konçesion i kishte bërë më parë vetë shoqja jonë.
Luftën e klasave do ta vijojmë dhe për të gjithë ata shokë që kanë shfaqur skepticizëm për punën e shoqes, i themi që të mos kthejnë reminoshencat e së shkuarës, duke kujtuar legjendarin tonë Enver. Shoku Enver ishte mashtruar nga sabotatorë të ushtrisë dhe e keqinformuan kur tha se: “Nuk e dimë ne kush ishte Balluku? -Një m… m…ishte”.
Një analizë e thellë do të bëhet edhe brenda partisë. Ka individë të pakënaqur që kanë shprehur mendime mikroborgjeze kundër vijës së partisë dhe shokut Edi. Partia i di se kush janë, i ka me emra, janë përjashtur edhe si kandidatë të Kuvendit Popullor. Nëse nuk bëjnë një autokritikë të fortë dhe të thellë para shokut Edi dhe anëtarëve të Byrosë së Rilindjes, atëherë edhe ata do kenë të njëtin fat si me puçistët.
Organizta Bazë e Partisë, sektori i Agjitpropit të Rilindjes, 8 prill 2021!
