Koronavirusi/ Infektohen 100 persona që kishin bërë vaksinën

Njëqind banorë të vaksinuar në Uashington kanë rezultuar pozitivë me COVID-19 dhe një banore e Nju Jorkut thotë se ajo u infektua me virusin një muaj pasi mori dozën e saj të dytë Moderna.

Departamenti i Shëndetësisë i Uashingtonit tha se ata po hetojnë 102 raste të rezidentëve që testohen pozitivisht për COVID-19 pasi të jenë vaksinuar plotësisht.

Sipas tyre raste të tilla janë të pritshme por ndodhin rrallë, dhe ky numër i personave që kanë rezultuar pozitiv përfaqëson vetëm 0,01 përqind të 1 milion vaksinuarve.

Dhe shumica e atyre që kishin rezultuar pozitiv përjetuan vetëm simptoma të lehta, ndërsa 8 të tjerë janë shtruar në spital, por ende nuk dihet se çfarë vaksine kanë marrë.

Melanie Rosen, e cila punon si sekretare në distriktin shkollor Heëlett-Ëoodmere në Long Island, Neë York, tha se ajo doli pozitive pasi mori dozën e saj të dytë të vaksinës Moderna.

LEXO EDHE  Talebanët ndalojnë gratë dhe vajzat të punojnë, lejohen vetëm ato që ...

Ajo tregoi se kishte qenë brenda shtëpisë së shoqes së saj për rreth 90 minuta pa maskë me 10 të afërm të shoqes së saj, të cilët kishin ardhur nga shtete të ndryshme.

Më tej ajo tha se rezultoi pozitive pasi edhe tre anëtarë të familjes së shoqes së saj kishin rezultuar pozitivë, por kjo ishte tronditëse për të pasi ishte e vaksinuar.

Por tregoi se riinfektimi këtë herë ishte më i lehtë pasi ajo ishte e vaksinuar dhe vaksina e kishte ndihmuar më shumë.

Provat e vaksinave treguan se tre vaksinat e aprovuara në SH.B.A. – Moderna, Pfizer dhe Johnson & Johnson parandalojnë midis 66 dhe 95 përqind të infeksioneve simptomatike.

Studimet e bëra deri më tani kanë treguar se një numër i caktuar i njerëzve të vaksinuar mund të infektohen, dhe vaksinat i mbrojnë pothuajse plotësisht nga sëmundja kritike ose vdekja.